Татарстан җыелма командасы икебәйге буенча Россия беренчелегендә команда эстафетасында бронза яулады

2026 елның 27 гыйнвары, сишәмбе

25 гыйнварда Пермь краеның Чайковский шәһәрендә «Снежинка» кышкы спорт төрләре буенча федераль әзерлек үзәге базасында 15-19 яшьлек яшүсмерләр арасында икебәйге буенча Россия беренчелеге кысаларында команда ярышлары узды. 4×5 км эстафетасында илнең иң көчле яшь спортчылары катнашты.

Никита Жданов, Денис Вацков, Аскар Шәйдуллин һәм Рузаль Яппаров составындагы Татарстан командасы югары нәтиҗә күрсәтеп, бронза медаль яулады.

Эстафетаның җиңүчесе булып Санкт-Петербургның беренче командасы танылды. Икенче урынны Свердловск өлкәсе җыелма командасы алды.