Булат Бариев фристайл буенча бөтенроссия ярышларында беренче өлкәннәр разрядын башкарды

2026 елның 29 гыйнвары, пәнҗешәмбе

Чиләбе өлкәсенең Миасса шәһәрендә Россия укучылары Спартакиадасы кысаларында «ски-кросс» дисциплинасында фристайл буенча Бөтенроссия сайлап алу ярышлары узды. Ярышларда илнең төрле төбәкләреннән иң көчле яшь спортчылар катнашты.

«Барс» кышкы спорт төрләре буенча республика олимпиой резервы спорт мәктәбендә тәрбияләнүче Булат Бариев югары нәтиҗә күрсәтте. Спортчы гомуми зачетта бишенче урынны алды, шулай ук ярышларның кече финалында җиңү яулады. Чыгыш нәтиҗәләре буенча Булат Бариевка өлкәннәр арасында беренче спорт разряды бирелде.