Татарстан миксфайтерлары республика җыелма командасы составында округ ярышларында чыгыш ясау мөмкинлеге өчен көрәште
31 гыйнварда Казанның «Бокс һәм өстәл теннисы үзәге» спорт комплексында ММА катнаш көрәш буенча Татарстан Республикасы Чемпионаты һәм беренчелеге булды.
Ярышларда Татарстан Республикасының барлык почмакларыннан 220 дән артык спортчы катнашты. Катнашучылар көчле, компромиссыз көрәш күрсәттеләр. Ярышлар ММА – октагоннарда (сигез почмаклыларда) профессиональ рингларда узды. Чарада 30дан артык СВО ветераны, шул исәптән өч тапкыр Батырлык ордены кавалерлары катнашты.
Ачылу тантанасында катнаштылар:
Татарстан Республикасы спорт министры урынбасары, Россия Федерациясенең Атказанган физик культура хезмәткәре Илдар Садриев;
РСБИНЫҢ Татарстан Республикасы буенча филиалы президенты, Болгар ислам академиясе ректоры Фәрхәт Хөснетдинов;
Россия хәрби сәнгатьләр берлегенең ТР буенча башкарма комитеты җитәкчесе, атказанган тренер Александр Даренков;
Россия ММА союзы вице-президенты, ТР ММА Федерациясенең мактаулы президенты Сергей Гордеев;
ТР ММА федерациясе президенты, Кавказдагы хәрби хәрәкәтләр ветераны, крап береты иясе, СВО ветераны Максим Китанин һәм башкалар.
Ярышларның чемпионнары һәм җиңүчеләре кубоклар белән бүләкләнде, призерларга тиешле дәрәҗәдәге медальләр һәм дипломнар бирелде. Чара йомгаклары буенча Идел буе федераль округы чемпионатында һәм беренчелегендә, шулай ук бөтенроссия турнирларында катнашу өчен ММА катнаш көрәш буенча Татарстан Республикасы җыелма командасы төзеләчәк.