Татарстанның кызлар арасында чирәмдәге хоккей буенча Бөтенроссия турнирында икеләтә җиңүе
Татарстан Республикасы җыелма командалары чирәмдәге хоккей буенча Бөтенроссия турнирында мактау пьедесталының югары ике баскычын яуладылар. 2012 елгы кызлар арасында республикадан берьюлы ике команда җиңү яулады.
Татарстан Республикасының «Динамо» физкультура-спорт җәмгыятенең 100 еллыгына багышланган Турнир «Маяк»спорт комплексы базасында узды. Ярышларда Анапа, Мәскәү, Пермь, Краснодар крае һәм Татарстан командалары катнашты.
Киеренке матчларда Татарстан спортчылары югары осталык күрсәттеләр. Ярышлар йомгаклары буенча беренче урынны «Татарстан Республикасы җыелма командасы – 2012»командасы алды. Икенче урын шулай ук республика вәкилләре – «Татарстан Республикасы җыелма командасы – 2013»командасына эләкте. Мактау пьедесталында өченче урынны Пермьнең «Орленок» командасы алды.