Баулы районында мәктәп укучылары арасында ГТО фестивале уңышлы узды
Покров-Урыстамак мәктәбе базасында II — VI баскыч укучылары (9 яшьтән 18 яшькә кадәрге төркемнәр) өчен «Хезмәткә һәм оборонага әзер» Бөтенроссия физкультура-спорт комплексының спорт бәйрәм-фестивале узды. Барлык катнашучылар өчен дә көн бер максатка багышланды – нормативларны уңышлы үтәү һәм кадерле аерымлык билгеләрен алуга адым ясау.
Яшь спортчылар комплексның алты сынавында үзләренең көчләрен, сыгылмалылыкларын һәм чыдамлыкларын күрсәттеләр: урыннан озынлыкка сикерү, аркада яткан килеш гәүдәне күтәрү, яткан килеш кулларны бөгеп һәм җәеп җибәрү, биек аркылы салынып төшүдән тартылу, гимнастика эскәмиясендә басып торган килеш алга авышу һәм чаңгыда йөгерү.
Мәктәпләрдә ГТО фестивале-мөһим спорт вакыйгасы, ул һәрьяклап физик үсешкә ярдәм итеп кенә калмый, ә дисциплина, максатчанлык һәм патриотлык тәрбияли. Чыгарылыш сыйныф укучылары өчен нормативларны уңышлы тапшыру һәм билге алу БДИ нәтиҗәләренә өстәмә баллар бирә, бу илнең көллиятләренә һәм югары уку йортларына кергәндә зур өстенлек булып тора.
Әлеге чара «Россия спорты» дәүләт программасын гамәлгә ашыру кысаларында үткәрелә, аның төп максаты-физик культураны һәм спортны популярлаштыру, балаларны һәм яшьләрне актив һәм сәламәт яшәү рәвешенә массакүләм җәлеп итү.