"Динамо-Татарстан" - Волейбол буенча Open Masters Gemes дөнья чемпионы
Абу-Дабида безнең «Динамо-Татарстан» 50+ хатын-кызлар командасы Open Masters Gemes ветераннары арасында волейбол буенча дөнья чемпионы титулын яулады.
6-15 февраль көннәрендә Берләшкән Гарәп Әмирлекләре башкаласында Мастерс (Open Masters Games) ачык Уеннарының чираттагы этабы уза. Ярышларда дөньяның дистәләгән илләреннән килгән 30 яшьтән өлкәнрәк 25000нән артык спортчы катнаша. Спортчылар 22 аренада 33 спорт төре буенча көч сынаша.
Open Masters Games 1995 елда нигез салынган һәм Халыкара Олимпия комитеты тарафыннан танылган International Masters Games Association (IMGA) эгидасы астында уздырыла. IMGA олимпия хәрәкәтен хуплый һәм «барысы өчен дә спорт» фәлсәфәсен алга сөрә, аның нигезендә спорт һәр кешегә, яшьенә, җенесенә һәм әзерлек дәрәҗәсенә карамастан, мөмкин булырга тиеш.
«Динамо-Татарстан» командасы үз категориясендә өч көн дәвамында чыгыш ясады, җиде җиңү матчы уйнады. Алтын дөнья подиумына юлда динамовкалар Чехия һәм Литва командаларын, шулай ук «Дальний Восток» Россия командаларын, Мәскәү «Буревестник» команды һәм «Динамо»Берләшкән Россия-Белоруссия җыелмасын отты. Ә финал ярышында Татарстан динамовкалары Мәскәү Волейбол федерациясе клубын ышанычлы җиңде.