Казанда фәйбиш Магарил истәлегенә волейбол турниры узды
Казан дәүләт архитектура-төзелеш университетының яңартылган спорт залында Россия Федерациясенең атказанган физик культура хезмәткәре Фәйбиш Абрамович Мәгәрил истәлегенә багышланган традицион ветераннар турниры узды. Ярышлар ике категориядә узды: 40 яшьтән өлкәнрәк ир-атлар командалары арасында һәм хатын-кызлар ветераннар командалары арасында.
Ир-атлар арасындагы турнирда Сергей Паранин җитәкчелегендәге «Татхимфармпрепараты» ветераннар командасы җиңү яулады. Киеренке финалда алар Альфред Шәйхетдиновның "АКОС" командасын җиңделәр, очрашуның нәтиҗәсе тай-брейкта гына хәл ителде. Өченче урынны ТР сәламәтлек саклау министрлыгы ветераннары командасы алды.
Хатын-кызлар ярышларында Казанның җыелма командасы көчлерәк булып чыкты, ул «Динамо»ветераннар командасын җиңде.
Барлык катнашучылар да истәлекле медальләр белән бүләкләнде, ә призер командалар кубоклар алды. Бүләкләү тантанасында ТР Волейбол федерациясенең ветераннар волейболы комитеты рәисе Сергей Чернышов катнашты.