Татарстан самбочылары Казандагы Россия беренчелегендә сигез медаль яулады
19-23 февраль көннәрендә Казанның «Ак барс» Көрәш сараенда 18-20 яшьлек яшүсмерләр арасында спорт һәм сугышчан самбо буенча Россия беренчелеге узды. Турнирда илнең 66 төбәгеннән 1000нән артык спортчы катнашты. Татарстан Республикасы вәкилләре сигез медаль яулады: өч алтын, өч көмеш һәм ике бронза.
Татарстан җыелма командасы составында беренчелекне Әмин Әмирханов (64 кг авырлык категориясендә) һәм Шамил Шәйхетдинов (79 кг) яулады.
Көмеш медальләрне Софья Игонина (59 кг), Георгий Кротов (64 кг) һәм Виринея Максимова (65 кг) яулады. Анастасия Белаш (47 кг) һәм Ринат Рәфыйков бронза медальгә лаек булдылар.
Ярышларда җиңүчеләр һәм призерлар юниорлар арасында Россия җыелма командасы составына керәчәк һәм 2026 елгы дөнья һәм Европа беренчелекләрендә ил исеменнән чыгыш ясау хокукы алачак.