Казанда республиканың иң көчле юниорлар баскетбол командасын билгеләячәкләр

2026 елның 5 марты, пәнҗешәмбе

4 апрельдән 6 апрельгә кадәр Казанда 17 яшькә кадәрге (2011 елда туган һәм аннан яшьрәк) яшүсмерләр арасында баскетбол буенча Татарстан Республикасы беренчелеге узачак. Турнирда республиканың төрле шәһәр һәм районнарыннан иң көчле җиде команда катнашачак.

Җиңү өчен Яр Чаллыдан «СШ-10», Казаннан «Хезмәт резервлары» ФСО, Арчадан «Арча» урта мәктәбе, Казаннан «УНИКС-Юниор» урта мәктәбе, Түбән Камадан «СШ-1» командалары, шулай ук Алексеевск һәм Балтач муниципаль районнарының спорт мәктәпләре көч сынашачак.

Өч уен көне дәвамында катнашучылар Бөтенроссия дәрәҗәсенә юллама уйнаячак. Турнирның җиңүчесе Россия беренчелегендә һәм бөтенроссия ярышларында Татарстан Республикасы исеменнән чыгыш ясау хокукына ия булачак.