Татарстан спорт министрлыгында хәрби бурычлы спортчыларның хезмәт узу мәсьәләләре турында фикер алыштылар
Татарстан Республикасы спорт Министрлыгында ведомство җитәкчелегенең Россия Федераль куркынычсызлык хезмәтенең Амур өлкәсе буенча Чик буе идарәсе вәкилләре белән эшлекле очрашуы булды. Төп тема республиканың хәрби-бурычлы спортчыларының срочная хезмәт узу тәртибе турында фикер алышу булды.
Киңәшмәдә ТР Спорт министры урынбасары Илдар Садриев, югары казанышлар спортын үстерү бүлеге башлыгы Раиф Вафин, физкультура-спорт эше һәм проектларны гамәлгә ашыру бүлеге башлыгы Роман Каплиев, спорт резервын әзерләү секторы мөдире Айдар Кадыйров катнашты.
Иҗтимагый оешмалар ягыннан ТР җәмәгать эшлеклеләре берлеге президиумы рәисе, Россия хәрби сәнгатьләр берлегенең ТР буенча башкарма комитеты җитәкчесе Александр Даренков һәм «чик сакчылары берлеге» төбәк иҗтимагый оешмасы рәисе Альберт Сөләйманов катнашты.
Россия Федераль куркынычсызлык хезмәтенең Амур өлкәсе буенча чик буе идарәсен кадрлар бүлеге офицеры Павел Фирсов тәкъдим итте.
Очрашуда катнашучылар Татарстанның хәрби-бурычлы спортчыларының срочная хезмәт узу мөмкинлекләре һәм механизмнары, шулай ук бу юнәлештә ведомстволар арасында багланышлар мәсьәләләре буенча фикер алыштылар.