Кукмараның «Олимп» командасы 3×3 хоккей буенча Татарстан беренчелеген отты
7 мартта Казанның «Ак Бүре» боз спорт сараенда 3×3 форматында хоккей буенча Татарстан Республикасы беренчелегенең финал уеннары булды. Турнирның җиңүчесе булып Кукмараның «Олимп» командасы танылды.
Хәлиткеч матчларда иң көчле дүрт команда очрашты: «Стальные Совы» (Чирмешән), «Ак Бүре» (Казан), «Айсберг» (Менделеевск) һәм «Олимп» (Кукмара). Ярышлар йомгаклары буенча беренче урынны – «Олимп», икенче урынны – «Айсберг», өченче урынны «Ак Бүре»алды.
Турнирның иң яхшы капкачысы – Данил Зыятдинов («Олимп»), иң яхшы сакчы – Альмир Гыйззәтуллин («Айсберг»), иң яхшы һөҗүмче-Рамазан Хәлиуллин («Олимп»). Финалның иң кыйммәтле уенчысы Данила Бондарев («Айсберг») булды.
2025-2026 елгы сезон нәтиҗәләре буенча беренчелекнең Иң яхшы капкачысы итеп Мансур Нигъмәтуллин («Ак Бүре») танылды, иң яхшы бомбардир – Максим Чернышев («Стальные Совы»).
Барлык призерлар кубоклар һәм медальләр белән бүләкләнде, Иң яхшы уенчылар Татарстан Республикасы Хоккей федерациясеннән индивидуаль призлар алды.
Турнирны уздыру балалар-яшүсмерләр хоккеен үстерүгә ярдәм итә һәм үсеп килүче буынны системалы рәвештә физик культура һәм спорт белән шөгыльләнүгә җәлеп итүгә юнәлдерелгән «Россия спорты» дәүләт программасы максатларына туры килә.