Бөгелмә кадет мәктәбендә ГТО фестивале узды
Бөгелмә муниципаль районында "Советлар Союзы Герое Газинур Гафиятуллин исемендәге Бөгелмә кадет интернат-мәктәбе" ДБМУ базасында «Хезмәткә һәм оборонага әзер» (ГТО) Бөтенроссия физкультура-спорт комплексының мәктәп фестивале узды. Чарага үз көчләрен, җитезлекләрен һәм чыдамлыкларын күрсәтергә әзер 60 яшь спортчы җыелды.
Фестиваль шәхси-команда беренчелеге форматында узды, бу катнашучыларга шәхси рекордлар өчен көрәшергә генә түгел, ә үз командаларының гомуми нәтиҗәсенә дә өлеш кертергә мөмкинлек бирде. Сынаулар программасына ГТО комплексының алты төп дисциплинасы кертелгән иде:
биек аратада эленеп торудан тартылу;
идәндә таянып, кулларны бөгеп һәм җәеп җибәрү;
урыннан ике аяк белән этеп озынлыкка сикерү;
гимнастика эскәмиясендә басып торган хәлдән алга авышу;
аркада яткан килеш гәүдәне күтәрү;
кросс (чыдамлыкка йөгерү).
Көн дәвамында спорт залында һәм мәктәп стадионында сәламәт көндәшлек һәм үзара ярдәмләшү атмосферасы хөкем сөрде. Җанатарлар катнашучыларга актив ярдәм күрсәттеләр, ә спортчылар үзләре физик әзерлек кенә түгел, җиңүгә омтылыш, характер көче һәм чын команда рухы күрсәттеләр.
Чара «Россия спорты» дәүләт программасы кысаларында балалар һәм яшьләр арасында спортны һәм физик культураны популярлаштыру, шулай ук үсеп килүче буынны системалы рәвештә физик культура белән шөгыльләнүгә җәлеп итү максатында уздырылды.
ГТО мәктәп фестивале чын көч һәм сәламәтлек бәйрәменә әверелде. Мондый чаралар иң көчле спортчыларны ачыкларга ярдәм итеп кенә калмыйча, барлык укучыларга да актив тормыш рәвеше алып барырга һәм яңа казанышларга омтылырга этәргеч бирә.