Актаныш районында ГТО кышкы фестивале кысаларында иң көчле хезмәт коллективларын билгеләделәр
10 март көнне Актаныш муниципаль районының «Батыр» спорт комплексында хезмәт коллективлары арасында «Хезмәткә һәм оборонага әзер» (ГТО) Бөтенроссия физкультура-спорт комплексы кышкы фестиваленең II этабы узды.
Ярышларда Мөслим муниципаль районының «Мөслим гимназиясе» МББУ командалары һәм Актаныш муниципаль районы вәкилләре катнашты.
Фестивальдә Сәламәтлекләренең төп төркеменә караган һәм ГТО нормативларын үтәүгә медицина рөхсәте булган 25 яшьтән 64 яшькә кадәрге ир-атлар һәм хатын-кызлар катнашты. Ярышлар түбәндәге яшь баскычларында уздырылды:
25-29 яшь (тугызынчы баскыч);
30-34 яшь (унынчы баскыч);
40-44 яшь (унберенче баскыч);
45-49 яшь (уникенче баскыч);
50-54 яшь (унөченче баскыч);
55-59 яшь (унбишенче баскыч);
60-64 яшь (уналтынчы баскыч).
Фестиваль программасына һәр яшь категориясенә туры килә торган нормативларны үтәү кертелгән иде. Катнашучылар физик әзерлекнең югары дәрәҗәсен раслап, көч, чыдамлык, сыгылмалылык һәм тизлек күрсәттеләр.
Барлык сынаулар йомгаклары буенча иң күп очко җыеп (2041 очко) зона этабында МББУ «Мөслим гимназиясе»командасы җиңүче булды.
Чара «Россия спорты» дәүләт программасы кысаларында балалар һәм яшьләр арасында спортны һәм физик культураны популярлаштыру, шулай ук хезмәт ияләрен физик культура белән системалы шөгыльләнүгә һәм ГТО комплексы нормативларын үтәүгә җәлеп итү максатында уздырылды.