НХТИ ирләр командалары арасында ТР Студентлар волейбол лигасы җиңүчесе булды
КДАТУ спорт залында кече вузлар һәм филиаллар чыгыш ясаучы «А» дивизионы ир-ат командалары арасында Татарстан Республикасы Студентлар волейбол лигасының финал уеннары тәмамланды. Финалда «Восток» һәм «Северо-Запад»зоналары җиңүчеләре һәм призерлары катнашты.
Ярышлар йомгаклары буенча беренче урынны тренер Денис Панягин җитәкчелегендәге Түбән Кама химия-технология институты командасы яулады. Көмеш медаль иясе булып КФУның Яр Чаллы институты командасы (тренерлары Виктор Шибельбайн) танылды. Өченче урынны КФУның Алабуга институты командасы алды (тренеры Раил Бекмансуров).
Дүртенче урында-Казан медицина университеты командасы (тренеры Валерия Колясова), бишенче урында – Казан танк училищесы командасы.
Призлы командалар арасында финал матчларының иң яхшы уенчылары махсус призлар белән билгеләнде. Бүләкләү тантанасында ТР Волейбол федерациясе башкарма директоры Мансур Кәримов катнашты.