Татарстан йөзүчеләре Хуҗандтан җиңү белән кайттылар: 17 алтын, өч көмеш һәм гомумкоманда буенча беренче урын
22-24 март көннәрендә Хуҗанд шәһәрендә йөзү буенча IX Халыкара турнир узды. Нәүрүз бәйрәменә багышланган ярышлар «Таҗикстан Республикасы бәйсезлегенең 20 еллыгы»Су спорт төрләре сараенда узды.
Турнирда Таҗикстан, Үзбәкстан, Казахстан, Кыргызстан һәм Россия спортчылары катнашты, Татарстан Республикасының «Динамо» җыелма командасы аның данын уңышлы яклады. Турнирда безнең делегацияне Татарстан Республикасы «Динамо» ОГО ФСО Рәисенең беренче урынбасары, Россиянең Атказанган физик культура хезмәткәре Салават Гайсин җитәкләде. Динамочыларны стартларга әзерләү белән өлкән тренер Максим Дедловский җитәкчелек итте.
Йөзүләр 50, 100 һәм 200 метрлы дистанцияләрдә түбәндәге дисциплиналарда үткәрелде: ирекле стиль, брасс, баттерфляй, аркада йөзү һәм комплекслы йөзү. Шулай ук командалар эстафеталарда (ирләр, хатын-кызлар һәм катнаш эстафеталарда) көч сынаштылар.
Турнир нәтиҗәләре буенча гомумкоманда зачетында Россиянең «Динамо-Татарстан»командасы җиңү яулады. 2 урынны Үзбәкстан җыелма командасы алды. Бронза медальләргә турнир хуҗалары лаек булды.
Шәхси беренчелектә һәм эстафеталарда татарстанлылар 17 алтын һәм 3 көмеш медаль яуладылар.
Алтын медальләргә ир - атлар арасында Артем Гусаров (50 м, аркада һәм 100 с, аркада), Алексей Крутых (100 м, баттерфляй һәм 50 м, брасс), Дмитрий Черкасов (200 м, в/ст һәм 400 м, в/ст), Артем Соколов (50 м, в/ст һәм 100 м, в/ст), Максим Лихачев (50 м, баттерфляй); хатын – кызлар арасында-Валерия Александрова (50 м, ст/ст; 100 м, ст/ст һәм 400 м, ст/ст), Диана Титова (200 м, аркада һәм 200 м, Компл.йөзү). Шулай ук Татарстанның динамочылары өч эстафетада җиңү яулады: 4х50 м, в/ст. – Артем Соколов, Максим Лихачев, Дмитрий Черкасов, Артем Гусаров; 4х50 м, компл. микс – Диана Титова, Алексей Крутых, Максим Лихачев, Валерия Александрова; 4х50 м, в/ ст микс-Артем Соколов, Диана Титова, Алексей Крутых һәм Валерия Александрова.
Динамода эшләүче өч егетебез алтын медальләр коллекциясенә шулай ук көмеш медальләр дә өстәделәр: Максим Лихачев (100 м, баттерфляй), Дмитрий Черкасов (200 м, аркада) һәм Диана Титова (100 м, аркада).
«Динамо-Татарстан» Россия командасы копилкасына җыелма команданың иң кече спортчысы – 12 яшьлек Эрнест Потапов та үз яшь категориясендә 50 метрга аркада йөзүдә җиңү яулады.
Үзбәк йөзүчеләре - 11 алтын, 21 көмеш һәм 13 бронза медаль. Таҗикстан командасы активында - 3 көмеш һәм 9 бронза медаль. 4 һәм 5 урыннарда казах һәм Кыргыз спортчылары урын алды.
Халыкара турнирның триумфаторлары-Татарстанның динамочылары-кичә Казанга кайттылар.