Көрәш буенча Россия беренчелеге Казанда узачак
3 апрельдән 5 апрельгә кадәр Казанның «Ак Барс» көрәш сараенда Көрәш буенча Россия беренчелеге узачак. Турнирда катнашу өчен алдан гаризаларны илебезнең 40 тан артык төбәгеннән вәкилләр биргән иде. Төбәк беренчелекләрендә катгый сайлап алу узган спортчылар һәр яшь категориясендә 9 "үлчәүдә" көч сынашачак:
• 13-14 яшь;
• 15-16 яшь;
• 17-18 яшь;
Тантаналы чараларда Татарстан Республикасы спорт министрлыгы, Бөтендөнья татар конгрессы вәкилләре, Татарстанның яшьләр оешмалары җитәкчеләре, төбәк көрәш федерацияләре рәисләре һәм титуллы спортчылар арасыннан хөрмәтле кунаклар катнашыр дип көтелә.
Беренчелек халыкара ярышларга әзерләнүдә мөһим этап булачак һәм дөнья мәйданында Россия данын яклаячак иң көчле спортчыларны ачыкларга мөмкинлек бирәчәк. Турнирда үзләренең уңышларын традицион көрәш рәвешендә күрсәтергә омтылучы яшь талантлар катнашачак.