Казан студент-медиклары ИФО медфармвузларының спорт фестивалендә катнашты
Казанның «Төзүче» спорт комплексында Россиянең медицина һәм фармацевтика югары уку йортлары (ИФО этабы) укучыларының «физик культура һәм спорт — табибның икенче һөнәре»спорт фестивале кысаларында ир-атлар командалары арасында волейбол буенча ярышлар узды. Анда Идел буеның җиде югары уку йорты студентлары катнашты.
Җиңү өчен Ижевск, Киров, Түбән Новгород, Уфа һәм Пермь командалары көрәште (соңгысында ике югары уку йорты катнашты). Ярышлар йомгаклары буенча беренче урынны Башкорт дәүләт медицина университеты (Уфа) студентлары яулады. Ижевск дәүләт медицина академиясе волейболчылары көмеш медаль ияләре булды. Өченче урынны Киров дәүләт медицина университеты командасы алды. Дүртенче урында-Казан дәүләт медицина университеты.
Призлы командалар кубоклар һәм дипломнар белән бүләкләнде, уенчылар медальләр һәм грамоталар алды. Финал матчларының иң яхшы уенчыларына махсус призлар бирелде.