«Нефтяник» өй сериясен җиңү белән тәмамлады
«Нефтяник»ның беренче өй сериясе 23 сентябрьдә финишка чыкты. Өй бозында безнең команда пермьнең «Молот» командасын кабул итте. Хисап матчы алдыннан соперник бер уенга азрак үткәргән һәм 2 очкога артта калып, турнир таблицасында альметьевслардан соң икенче урында барган.
Уенның беренче өчтән бер өлешендә командалар бер тапкыр күплектә уйнады. «Молот» үз мөмкинлеген кулланды һәм 6 нчы минутта исәпне ачты. Икенче периодта пермьлеләр хуҗалар капкасына ешрак янады, ләкин кертә алмады. «Нефтяник» та үз моментларын голларга әйләндерә алмады.
Хуҗалар уенны йомгаклау игеү кисемтәсендә яхшы яңадан корды. «Нефтяник» уенчылары һөҗүмнәрне бер-бер артлы оештырды, һәм 47 нче минутта сан сыйфатка әверелде. Сакчы Семён Ионов ерактан булган бросок белән тигезлекне торгызды. Ә тиздән аның капка янындагы актив хәрәкәтләре Кирилл Крутовның капкага кертүе белән тәмамланды. Исәптә минималь аерма булу сәбәпле, ахыры көчәнешле килеп чыкты. Моныңга соңгы минутларда хуҗаларның җәзасы ярдәм итте. Тайм-ауттан соң кунаклар капкасы бушады, ләкин азлык уйнап, «Нефтяник» уенчылары салкын канлылык белән эш иттеләр һәм җиңүне саклап кала алдылар.
2:1 – таблодагы йомгаклау саннар. Алда Альметьевск командасының Урал буйлап дүрт уенлык сериясе көтә. Ул 28 сентябрьдә Орскида башлана, аннары «Магнитка», «Челмет» һәм «Горняк-УГМК» белән уйнаячакбыз.