Владимир Леонов: «Форумны ел саен уздырылучы чара итсәк тә әйбәт булыр!»
Бүген, 11-нче июнь көнне, «Гранд Отель Казань» кунакханәсенең конференц-залында «Әңгәмә һәм хезмәттәшлек өчен инновацияләр» дип аталган халыкара лагерьның һәм ИХО илләре яшь эшмәкәрләре форумының ачылыш тантанасы булып узды. Биредә дөньяның 27 иленнән катнашучылар жыелды.
Владимир Леонов беренчеләрдән булып катнашучыларны Татарстан жирлегендә сәламләде. «Казан сезгә ошар дип өметләнәбез, юкка гына ул Рәсәйнең иң матур шәһәрләреннән саналмый. Планлаштырылган очрашулар да файдалы булыр дип уйлыйм. Әлегә Форумны үткәрүебезгә без бик шат, аны ел саен уздырылучы чара итсәк тә әйбәт булыр», – дип ассызыклады ул.
Инсаф Галиев исә, үз чиратында, биредә жыелганнар яшь эшмәкәрләр хәрәкәтенең нигезе булып торуын искәртеп узды: «Яшь эшмәкәрләр саны елдан-ел арта һәм бу бик яхшы күрсәткеч. Быелгы «Kazan Sammit»ның мөхтәрәм кунагы буларакСогуд Гарәбстанының Ислам банкы үсеше төркеме президенты Әхмәд Мөхәммәд Али әл Мәдәни да катнашачак. Шулай ук сез дә – яшь эшмәкәрләр – безнең өчен, чын мәгънәсендә, кадерле кунаклар. Безнең киләчәк сезнең кулда!».
Тантана катнашучыларның кунаклар белән күмәк фотога төшүе белән тәмамланды.
Ачылыш тантанасыннан соң катнашучылар беренче уку-укыту сессиясенә юнәлделәр. Уку-укыту бүлеген махсус алар өчен лагерьның мөхтәрәм укытучылары – Анна Фельдман, Наталия Чардымова, Федор Микушкин, Наталия Никитина, Мирослава Левицкая әзерләделәр.