Татарстанлылар ирекле көрәш буенча «Татарстан-мастерс» Бөтенроссия ярышларында 5 алтын медаль яуладылар
29-30 мартта «Ак Барс» көрәш сараенда ир-атлар арасында ирекле көрәш буенча «Татарстан-мастерс» Бөтенроссия ярышлары тәмамланды.
Россия чемпионатына әзерләнүгә карамастан, ярышларга Россиянең 24 төбәгеннән 100дән артык спортчы җыелган. Татарстан көрәшчеләре ун авырлык категориясенең бишендә җиңүче булдылар:
Ярышларда җиңүчеләр: Тельман Оруджов (57 кг), Демьян Макаров (65 кг), Даниил Астафьев (70 кг), Адам Бартиханов (86 кг), Бекзот Рәхимов (92 кг). Шулай ук татарстанлылар 4 көмеш һәм 7 бронза медальгә ия булдылар.
Белешмә өчен:
Маркелов Виктор Федорович-Татарстан Республикасының спорт көрәше легендасы. Ул һәрвакыт югары класслы спортчы өчен кирәкле хезмәт сөючәнлеккә, көрәшнең ялкынлы техникасына, үз көченә ышанычка ия була, бу аңа югары спорт казанышларына ирешергә мөмкинлек бирә.
Халыкара класстагы СССР спорт мастеры, 1973 елгы Дөнья Кубогы җиңүчесе, ике тапкыр СССР чемпионаты җиңүчесе, ике тапкыр дус армияләр Спартакиадасы чемпионы, 1970 елгы Европа чемпионатының көмеш призеры, биш тапкыр халыкара турнирлар җиңүчесе в.Ф. Маркелов 15 елдан артык СССР Кораллы көчләренең спорт җыелма командасы әгъзасы һәм ирекле көрәш буенча Советлар Союзының спорт җыелма командасы әгъзасы була.