Швеция – Корея, Бельгия – Панама һәм Тунис – Англия командалары арасындагы матчлар казандагы Фан-Фестта күрсәтеләчәк
Бүген Россиядә 2018 елда Футбол буенча FIFA дөнья чемпионатының™ төркем этабының чираттагы матчлары узачак. Түбән Новгородта 15.00 сәгатьтә Швеция һәм Корея Республикасы арасындагы уен башланачак. 18.00 сәгатьтә Сочида Бельгия һәм Панама җыелма командалары уйный. Чемпионатның бишенче көне Волгоградта Тунис һәм Англия арасындагы уен белән төгәлләнәчәк. Барлык өч очрашуның да турыдан-туры трансляцияләре FIFA Җанатарлар фестивалендә™ күрсәтеләчәк.
Фан-фест мәйданы беренче матч башланырга 2 сәгать кала эшли башлый. Көн дәвамында биредә Dj OZZ, MC Zali, Miss Dj, “Сахар” һәм “Федор Шукшин” төркемнәре чыгыш ясаячаклар. Алдагы көннәрдәге кебек үк, Фестивальдә төрле конкурсларда, кызыклы ярышларда катнашырга мөмкин, шулай ук Чемпионат символикасы төшерелгән продукция, милли сувенирлар сатып алырга да була.