«Динамо-Татарстан» командасы волейболчылары - Бөтендөнья янгын сүндерүчеләр уеннары җиңүчеләре
Бүген Кореянең Чунджу шәһәрендә Россия җыелма командасы составына керүче «Динамо-Татарстан» волейбол командасы Бөтендөнья янгын сүндерүчеләр уеннары җиңүчесе булды. Финал ярышында безнең команда Төркия җыелма командасын 3:0 исәбе белән җиңде.
Янгын сүндерүчеләрнең бөтендөнья уеннары 10 сентябрьдә Көньяк Кореяда старт алды һәм 17 сентябрьдә тәмамланачак. Ярышларга дөньяның 40 иленнән коткаручылар чыгыш ясый. Мондый ярышлар узган гасырның 80 нче еллары уртасында уздырыла һәм 5 меңгә кадәр катнашучы җыя. Спортчылар олимпия һәм Олимпия булмаган спорт төрләрендә, шулай ук янгын учакларында һәм янгынга каршы бүлекчәләр практикасында кулланыла торган гамәли дисциплиналарда көч сынаша. Әйтик, янгынга каршы органнар вәкилләре каршылыклар полосасын үтә, хәрби җәелеш үткәрәләр, башка чиста профессиональ нормативларда ярышалар, шулай ук ату, җиңел атлетика, йөзү, теннис, волейбол һәм башка спорт төрләрендә үз осталыкларын күрсәтәләр.
Безнең республика Россия җыелма командасы составында әлеге уеннарда «Динамо-Татарстан» волейбол дружинасы һәм ТР буенча гадәттән тыш хәлләр министрлыгы хезмәткәре, янгын-гамӘли спорт буенча халыкара класслы спорт мастеры Алексей Кузнецов бар. Татарстан делегациясен Бөтендөнья янгын сүндерүчеләр уеннарында ТР «Динамо» ОГО ФСО рәисе урынбасары эчке хезмәт полковнигы Салават Гайсин җитәкли.