Казан Суворов училищесында боз сарае ачылды
14 декабрьдә Казан шәһәрендә Суворов хәрби училищесы базасында «Суворовец»боз сараен ачу тантанасы булды.
Тантаналы чарада коры җир гаскәрләре баш командующие, генерал-полковник Олег Салюков, Татарстан Республикасы Премьер-министры Алексей Песошин, Казан суворов хәрби училищесы башлыгы Валерий Миронченко, Россия Федерациясе Оборона министрлыгы каршындагы Иҗтимагый совет рәисе Павел Гусев, Татарстан Республикасы Президенты Аппараты җитәкчесе, полиция генерал-лейтенанты Әсгать Сәфәров, Татарстан Республикасы Эчке эшләр министры киңәшчесе, Татарстан Республикасы Хоккей федерациясе вице-президенты Андрей Рябов, Татарстан Республикасы спорт министры Владимир Леонов катнашты, шулай ук танылган Россия һәм совет спортчылары, Хоккей легендалары Александр Волчков һәм Геннадий Маслов та бар.
Яңа боз спорт корылмаларын ачу тантанасы белән беррәттән Мурманск шәһәрендәге Нарима хәрби-диңгез училищесы филиалында һәм Петрозаводск кадет училищесы филиалында да узды. Чарада катнашучылар Россия Федерациясе оборона министры Сергей Шойгуның котлауларын тыңладылар:
«Бүген без Казанда, Мурманскида һәм Петрозаводскида 3 искиткеч объект ачабыз, безнең егетләр сәламәт, көчле, акыллы үссен өчен. Ышанам ки, шулай булачак да. Безнең уку йортлары каршында заманча спорт объектлары төзелешенә берничә ел элек нигез салынган иде-аларның күбесе бассейннар, шугалаклар, спорт заллары белән җиһазландырылган инде. Мин ышанам ки, бу балалар файдасына хезмәт итәчәк. Сезне әлеге истәлекле вакыйга белән котлыйм!».
Шулай ук барлык катнашучыларга сәламләү сүзе белән коры җир гаскәрләре баш командующие, генерал-полковник Олег Салюков мөрәҗәгать итте. Ул Казан суворов хәрби училищесы башлыгы, генерал-майор Валерий Миронченкога симоличик Боз сараеннан ачкыч тапшырды.
Символик ачкыч алу хокукы уку алдынгысына, спортчы-разрядникка, «Армеец» хоккей командасы уенчысы, суворовец Алмаз Карамага насыйп булды. Суворовчылар шулай ук дөнья һәм Европа чемпионы, сигез тапкыр СССР чемпионы, өч тапкыр СССР кубогы иясе, атказанган спорт мастеры Александр Волчков кулыннан «Аэрохоккей» уен мәйданчыгына сертификат алдылар.
Җыелучыларны боз сарае ачылу белән Татарстан Республикасы премьер-министры Алексей Песошин да котлады:
«Бүген безнең истәлекле вакыйга: Казанда һәм Иске Чүпрәле авылында ике боз сарае ачыла. Республикада физик культура һәм спортка зур игътибар бирелә, хоккей да искәрмә түгел», — диде Татарстан Республикасы Премьер-министры. Ул ассызыклаганча, хәзер республикада 43 ябык боз сарае, 655 ачык хоккей тартмасы бар, аларның күбесе җылы чишенү бүлмәләре белән җиһазландырылган. Татарстанда 31 меңнән артык кеше хоккей белән шөгыльләнә.
Ахырда Алексей Валерьевич спорт инвентаре һәм җиһазлары сатып алуга 100 000 сумлык сертификат тапшырды. Моннан тыш, Суворов училищесына ТР Хоккей федерациясеннән «Заряд» хоккей кәшәкәләре алуга сертификат тапшырылды, ә боз сарае ачылу хөрмәтенә командалар уенчылары РФ оборона министры Сергей Шойгу һәм ТР Президенты Рөстәм Миңнеханов исеменнән истәлекле хоккей кәшәкәләре алды.
2018 елда Казан суворов хәрби училищесы Россия Федерациясе Оборона министрлыгының вузга кадәрге мәгариф учреждениеләре Спартакиадасында беренче урынны алды. Тантаналы чара ахырында коры җир гаскәрләре баш командующие, генерал-полковник Олег Салюков команда капитанына спартакиадада беренче урын өчен РФ Оборона министрлыгының Күчмә кубогын тапшырды. Совет хоккее легендалары Александр Волчков һәм Геннадий Маслов «Ак Барс Юниор» һәм «Армеец» командалары арасында символик ташлауны үткәрделәр.
Казан суворов хәрби училищесының «Суворовец» боз сарае уку йорты территориясендә урнашачак. Объект 296 тамашачыга исәпләнгән трибуналы ябык боз шугалагы. Боз аренасының мәйданы 1600 кв.м., тартманың күләме 28 х 58 м. спорт объектының гомуми мәйданы 3999 кв. м. тәшкил итә.
Объект гардероб, киенү-чишенү бүлмәләре, тренажер залы, тимераякларны саклау, бирү һәм киптерү өчен бина, тимераякларны мастерскойлау, техник җиһазлар һәм инвентарь урнаштыру, душ, санузеллар һәм башка административ бүлмәләр белән җиһазландырылган.