Христина Мацокина Красноярск Универсиадасында «алтын» яулады
Россия чаңгычылары Александр Терентьев һәм Христина Мацокина классик стильдә катнаш команда спринтында Красноярсктагы Бөтендөнья кышкы Универсиада алтынын отты.
Команда спринты буенча ярышлар «Радуга» кластерында узды. Һәр командада-бер кыз һәм малай чаңгычы. Алар бер-берсен дистанциягә чиратлап алыштырып, 1,5 чакрым йөгерделәр.
Татарстан Республикасы вәкиле Христина Мацокина Александр Терентьев (Архангельск өлкәсе) белән парда чыгыш ясады, ә ярыш нәтиҗәләре буенча россиялеләр иң яхшы нәтиҗә күрсәттеләр. Терентьев һәм Мацокина 22 минут 11,37 секунд вакыт күрсәттеләр, икенче урында - Россия командасы Андрей Соболакарев/Полина Некрасова (артта калу-10,65 секунд). Өченче урынны Фин Йоонас Сарккинен һәм Катри Люлюнперя (+17,89) яулады.
Бу Татарстан данын яклаган чаңгычының Красноярсктагы ярышларда икенче медале. Элегрәк Христина шәхси спринтта көмеш медальгә ия булды.