Татарстан спортчылары Красноярсктагы Универсиада нәтиҗәләре буенча 8 медаль яулады
Красноярскида 2019 елгы XXIX Бөтендөнья кышкы универсиада тәмамланды. Студентлар Уеннарының соңгы көнендә ир-атлар хоккей турниры һәм чаңгы массасы 30 км. стартта медальләр уйнатылды.
Чаңгы ярышында бронза бүләккә бер адым кала Татарстан вәкиле Егор Казаринов тукталды.
Хоккей турниры финалында Россия һәм Словакия җыелма командалары очрашты. Киеренке матчта «кызыл машина» словакларны 2:1 исәбе белән җиңде. Красноярск уеннарында студентлар милли командасы составында Әлмәт «Нефтянигы» уенчысы Александр Сорокин чыгыш ясады.
Бу медаль Красноярск Универсиадасында Татарстан спортчылары өчен сигезенче һәм йомгаклау медале булды. Татарстан вәкилләре активында-4 «алтын», 3 «көмеш» һәм 1 «бронза».
Татарстан спортчыларының 2019 елгы Бөтендөнья кышкы Универсиадада чыгыш ясавын ТР Спорт министры Владимир Леонов шәрехләде:
«Бүген, 12 март көнне, Красноярскида Бөтендөнья кышкы универсиада тәмамланды. Әлбәттә, без барыбыз да спортчыларыбызның чыгышлары нәтиҗәләренә бик шат. Чираттагы тапкыр Россия бөтен дөньяга без үзебездә – Казанда, Мәскәүдә, Сочида гына түгел, ә илнең төньягында зур ярышлар үткәрергә әзер булуын раслады.
Россия җыелма командасы составында безнең татарстан спортчыларының чыгыш ясавы куанычлы хәл. Алар тәкъдим ителгән барлык биш спорт төре буенча да пьедесталга менделәр. Без Татарстанга сигез медаль алып килдек-бу безнең егетләр һәм кызларыбыз, тренерларыбыз, спортның кышкы төрләре буенча федерацияләребезнең зур казанышы. Мин сезне барыгызны да котлыйм. Без бик яхшы нәтиҗәләргә ирештек дип саныйм. Бу, әлбәттә, зур эш, уртак зур хезмәт», - диде Владимир Александрович.
Әйтик, Александр Сорокиннан тыш, татарстанлылар тагын җиде бүләккә ия булдылар.
Милена Быкова сноубордчылар ярышларында «көмеш» (дисциплина – параллель слал-гигант) һәм «алтын» (параллель слал) яулады. Влад Хадарин катоупстайл акробатик дисциплинада икенче булды.
Христина Мацокина чаңгы ярышларында көмеш (шәхси спринт) һәм алтын медаль (катнаш команда спринт) яулады.
«Татарстан» командасы фигуристкалары синхрон фигуралы шуу буенча өченче булды.
Владислав Веселов туплы хоккей буенча Россия җыелма командасы составында Красноярскида Универсиада чемпионы булды.
Россия җыелма командасы ярышларның медаль зачетын берсүзсез отты. Россия командасы исәбендә-112 медаль (41 алтын, 39 көмеш, 32 бронза) – Универсиадалар уздыру тарихында аерым җыелма команда өчен иң яхшы нәтиҗә.
Икенче урында, 14 медаль белән Көньяк Корея җыелма командасы (6 алтын, 4 көмеш, 4 бронза) бара. Иң яхшы өчлеккә Япон спортчылары ия, алар 13 (4, 4, 4) медаль яуладылар.