Александр Курашмин аквабайк буенча Европа чемпионатында «көмеш» яулады
30 июньдә аквабайк буенча Европа чемпионаты тәмамланды. Ярышларның соңгы (өченче) этабы Хорватиянең Загреб шәһәрендә узды. Аның нәтиҗәләре буенча «Динамо» спорт җәмгыяте вәкиле Александр Курамшин көмеш медаль яулады.
Хорват этабы шулай ук Европа форумы нәтиҗәләренә йомгак ясады. Италияле Роберто Мариани Ауропа чемпионы булды, көмеш медаль иясе – Александр Курамшин, бронзаны тагын бер россияле Владислав Воробьев алды.
Александр Курамшин шәкерте-Рөстәм Амерханов юниорлар ярышларында яхшы нәтиҗә күрсәтте. Казаннан яшь хоккейчы өчен Европа беренчелеге этапларында чыгыш ясау халыкара ярышларда дебют булды. Боҗра узышларының гомуми зачетында («стоячий джет») Рөстәм үз яшь категориясендә (13-14 яшь) бишенче урынны алды.
Алда Александр Курамшин дөнья чемпионаты этапларында чыгыш ясаячак. Беренчесе-Португалия һәм Италиядә-артта калды инде. Әлегә Александр рейтингта дүртенче урында тора. Якындагы этап октябрь аенда Кытайда узачак.