Рафаэль Камалов Неапольдагы Универсиаданың «бронзасын» яулады
Тхэквондист Италиядә узган ярышларда Татарстан спортчылары копилкасына 11 медаль китерде.
Татарстан Республикасының Россия студентлар җыелма командасы составында Рафаэль Камалов тхэквнодо буенча ярышларда бронза медаль яулады. Яр Чаллы шәһәрендә туган 87 кг. га кадәр авырлык категориясендә уңышлы чыгыш ясады.
Ярымфиналда россияле Көньяк Кореядан Пак Ин Ходан җиңелде. Регламент буенча ярымфиналда җиңелгән спортчылар бронза призерлары булалар. Шулай ук өченче урынны мексикалы Андрес Суарес алды.
«Үз чыгышымны мин уртача бәялим, чөнки, әлбәттә, тренировкалар булды һәм бары тик алтынга гына исәп тоттым«. Кызганычка каршы, барысы да барып чыкмады. Көндәшләр биредә югары дәрәҗәдә.
Теләсә кайсы очракта эмоцияләр уңай – пьедесталга менү, үз илемне, туган илемне тәкъдим итү һәрвакыт күңелле. Җанатарларның ярдәме биредә нык сизелә, барлык егетләр авырган, авыр минутларда ярдәм иткән – бу бик мөһим роль уйный», - дип сөйләде Рафаэль чыгышы нәтиҗәләре буенча ТР Спорт министрлыгы матбугат хезмәте белән сөйләшкәндә.
Камалов Чаллы дәүләт педагогика университеты студенты.
Рафаэль Камаловның медале Неапольдагы Бөтендөнья җәйге Универсиадада Татарстан Республикасы данын яклаган спортчылар өчен 11 нче Медаль булды. Татарстанлылар активында 2 алтын, 3 көмеш һәм 6 «бронза» бар.