Казанда Көрәш буенча Россия беренчелеге старт ала

2020 елның 12 марты, пәнҗешәмбе

Ярышлар «Ак Барс» көрәш сараенда узачак.

13-15 мартта Казанда «Ак Барс» көрәш сараенда Көрәш буенча Россия беренчелеге узачак, анда өч яшь категориясеннән (13-14, 15-16, 17-18 яшь) 250дән артык спортчы катнашачак.

Россиянең 20дән артык төбәгеннән килгән көрәшчеләр һәр яшьтән 9 авырлык категориясендә көч сынашачак.

Быел яңартылган бердәм Бөтенроссия классификациясе кертелгәннән соң 17-18 яшьләрдәге өч призлы урын һәм 15-16 яшьләрдәге беренче ике призлы урын алучылар көрәш буенча спорт мастерлыгына кандидатлар исемнәре алачак. Моңа кадәр спорт мастерлыгына кандидат нормативын үтәү күпкә катлаулырак иде.

13-14 мартта беренчел ярышлар узачак. Финал ярышлары 15 мартта 9: 00 сәгатьтә башлана, бүләкләү тантанасы 12:30 сәгатьтә башлана.