ТР Спорт министрлыгында 2020 елда БДБ илләренең I уеннарын уздыру турында фикер алыштылар
6 июльдә Татарстан Республикасы спорт министрлыгында Россия Федерациясе Спорт министрлыгы белән быел Казанда узачак БДБ илләренең I уеннарын оештыру мәсьәләсе буенча видеоконференцэлемтә режимында киңәшмә узды.
"Спорт программасы эшләнде. Спорт программасын гомуми координацияләү Бөтенроссия спорт федерацияләре катнашында, халыкара техник делегатларны җәлеп итеп үткәрелә", - дип хәбәр итте Татарстан Республикасы спорт министры Владимир Леонов.
Киңәшмәдә РФ спорт министры Олег Матыцин, Татарстан Республикасы спорт министры Владимир Леонов, БДБ Башкарма комитеты рәисе урынбасары Агыбай Смагулов, РФ спорт министрының беренче урынбасары Азат Кадыйров, «Спорт һәм социаль проектлар дирекциясе» КБАО генераль директоры Максим Денисов һәм БДБ илләре физик культура һәм спорт белән дәүләт идарәсе органнары җитәкчеләре катнашты.
2020 елгы БДБ илләренең I уеннарында Казанда 14 яшьтән 23 яшькә кадәрге 2,5 мең спортчы (спорт төренә карап) һәм БДБ илләреннән килгән командалар составында 1 мең рәсми делегат катнашыр дип көтелә. Ярышлар 810 рефери һәм судьяга хезмәт күрсәтәчәк, шул исәптән катнашучы командалар составында 178 һәм спорт төрләре буенча халыкара федерацияләрдән 21 техник делегат. 284 комплект медаль уйнатылачак.
Уеннарның спорт программасына армрестлинг, бадминтон, 3х3 баскетбол, бокс, билбау көрәше һәм көрәш, су полосы, пляж волейболы, спорт көрәше, гер спорты, дзюдо, карате, мас-рестлинг, өстәл теннисы, йөзү, самбо, тай боксы, бию спорты, фехтование, футзал, нәфис гимнастика һәм шахмат буенча ярышлар керде.
Уеннарны үткәрү өчен 14 спорт объекты җәлеп ителәчәк, аларның күбесе Казанда 2013 елгы Бөтендөнья җәйге универсиадасын уздыру өчен төзелгән. Шулай ук әлеге объектлар республика, федераль һәм халыкара дәрәҗәдәге спорт чараларын уздыруга берничә тапкыр җәлеп ителде.
Уеннарны ачу һәм ябу тантаналарын Спортчылар авылы (Универсиада Авылы) флаглар Аллеясы территориясендә уздыру. Тантаналарның форматы – Уеннарда катнашучы илләрнең мәдәни күптөрлелеген, тарихын һәм гореф-гадәтләрен чагылдыра торган, Халыклар дуслыгы һәм берләшү темасын чагылдыра торган театральләштерелгән тамаша.