Казанда «Яшел фитнес» проектының чираттагы күнегүләре узды
11 июльдә Казанда ART City торак комплексында һәм Салават Күпере торак комплексында йога, бию һәм стретчинг буенча дәресләр узды.
«Яшел фитнес» проекты күнегүләре, санитар чараларны һәм социаль дистанцияне үтәп, бушлай үткәрелә. Дәресләргә бару өчен алдан теркәлү процедурасын узарга кирәк. Эпидемиологик хәл аркасында мөмкин булган катнашучылар саны 20 кешегә кадәр чикләнгән (ART City торак комплексында 15 кешегә кадәр). Катнашырга ниятләгән кешеләргә үзе белән су һәм коврик алырга киңәш ителә.
Тулырак мәгълүмат белән түбәндәге адрес буенча танышырга мөмкин https://vk.com/zf_kzn
Белешмә өчен:
«Яшел фитнес» социаль-спорт хәрәкәте шәһәрнең җәмәгать киңлекләрендә – паркларда һәм скверларда, пляжларда, яр буйларында атна саен бушлай спорт чаралары уздыру юлы белән спорт һәм сәламәт яшәү рәвешен популярлаштыруга юнәлдерелгән.
«Яшел фитнес» 2015 елда барлыкка килде, соңгы берничә елда ул ТР Спорт министрлыгы белән тыгыз элемтәдә эшли һәм зур популярлык казанды, бу исә 2020 елга ук проектның географиясен 4 шәһәрдән алып 30 шәһәргә кадәр киң колачларга мөмкинлек бирде.
Һәр физкультура-спорт тренировкасы теләсә кайсы (башлангыч, урта, югары) физик әзерлек дәрәҗәсенә исәпләнгән, бу исә аны халыкның яшь төркемнәре (балалар, яшьләр, яшь гаиләләр, хезмәт куючы, өлкән һәм пенсия яшендәге кешеләр) өчен тормышка ашырырга мөмкинлек бирә.
Сәламәтлекләре буенча мөмкинлекләре чикләнгән кешеләр һәм инвалидлар өчен махсус тренировкалар аерым эшләнә һәм каралган.
«Яшел фитнес» проекты «Спорт – тормыш нормасы» федераль программасы нигезендә «Демография» милли проекты кысаларында тормышка ашырыла. Парклардагы Спорт, авыр булмаган күнегүләр Татарстан Республикасы һәм тулаем Россия халкы арасында физкультура һәм спорт белән даими шөгыльләнә башлауга хезмәт итә ала.