Казанда Дрон-Рейсинг буенча 2020 елгы Россия Гран-приының өченче этабы узачак
19-20 сентябрь көннәрендә «Хезмәт резервлары» Бөтенроссия физкультура-спорт җәмгыяте Дрон-Рейсинг буенча 2020 елга Россия Гран-приының өченче этабын уздырачак. Ярышлар Казанда «Хезмәт резервлары» спорт-сәламәтләндерү комплексында узачак. Пилотлар Россия 2020 елгы Гран-при сезонында лидерлык өчен көрәшәчәк. Сайлап алу этабы нәтиҗәләре буенча җиңүчеләр һәм призерлар кубоклар, медальләр һәм дипломнар белән бүләкләнәчәк. Чараны «Drone Sports Global» командасы белән берлектә «Хезмәт резервлары»Бөтенроссия физкультура-спорт җәмгыяте оештыра.
Ярышлар бушлай – аларда 10 яшьтән өлкәнрәк теләгән һәркем катнаша ала. Бу этапта 32 пилот-һәвәскәр катнашыр дип планлаштырыла. Алар үз статистикаларын яхшырту һәм 2020 елгы Россия Гран-при сезонында лидерлык өчен көрәшүне дәвам итү өчен, Гран-при баллары өчен бер-берсе белән Квадрокоптерларда ярышачак. Бу этапта дрон-рейсинг буенча «Rostec Drone Festival» халыкара фестивале җиңүчесе Евгений Лебедев катнашачак. Исегезгә төшерәбез, Халыкара фестиваль быел Мәскәүдә 29 һәм 30 августта узды. Анда 32 иң көчле пилот катнашты, алар «DCL The game»симуляторында өч сайлап алу нәтиҗәләре буенча ачыкланды.
«Узышның һәр этабы алдан фаразланмый, чөнки бу-спортның техник төре. Ярышларның беренче көне күнекмәләрдән торачак - пилотлар квалификация узачак. Бу алар трассага күнегеп, Дрон-Рейсинг буенча 2020 елгы Россия Гран-приының сайлап алу этабында иң яхшы нәтиҗә күрсәтсен өчен кирәк», - диде «Drone Sports Global» командасы капитаны Кирилл Федукович.
Дрон-Рейсинг буенча 2020 елгы Россия Гран-приының өченче этабын уздыру өчен оештыручылар барлык һөнәри стандартлар буенча мәйданчыкны сайлады. Ярышлар трассасы «Хезмәт резервлары»спорт-сәламәтләндерү комплексында урнашачак. Мәйданчыкта йомшак күпертелгән элементлар, шулай ук футбол кырының күләме: 100 һәм 60 метр.
Илдәге эпидемиологик хәл аркасында ярышларда барлык саклык чаралары да үтәләчәк: чарада катнашучыларга һәм кунакларга керү юлында температураны контактсыз градусник белән үлчиячәкләр, санитайзерлар куелачак. Ә тамашачыларга-шәхси саклану чаралары биреләчәк.
Исегезгә төшерәбез, Россиянең 2020 елгы Гран-при кысаларында Дрон-Рейсинг буенча биш этап узачак. Беренче ике ел Сочида һәм Алуштада үткәрелде. Әлеге ярышлар нәтиҗәләре буенча ярышларда җиңүчеләр һәм призерлар ачыкланды һәм бүләкләнде. Өченче этап Казанда узачак, калганнары Екатеринбургта һәм Сочида узачак. Барлык этаплар йомгаклары буенча иң яхшы пилотлар «Drone Sports Global» командасына Дрон-Рейсинг буенча 2021 Россия Гран-при сезонына чакырылачак.