Казанда М. М. Сәхәбетдинов истәлегенә грек-рим көрәше буенча Турнир узачак
12-15 ноябрьдә «Ак Барс» Көрәш Сараенда (Фатыйх Әмирхан ур., 1Г) РСФСР атказанган тренеры М. М. Сәхәбетдинов истәлегенә 2001-2003 елгы яшүсмерләр арасында грек-рим көрәше буенча Бөтенроссия турниры узачак.
15 команда составында 200ләп спортчы чыгыш ясар дип көтелә. Ярышларда 55, 60, 63, 66,72,777,82,87,97,130 кг авырлык категориясендә спортчылар катнаша ала.
Мягас Мөбарәкшин улы Сәхабетдинов 1937 елның 8 апрелендә Ярославль өлкәсенең Волгострой бистәсендә туа. 1941 елда әти-әнисенең туган ягына Чистай шәһәренә күчәләр. 1954 елда Чистай шәһәренең 2 нче мәктәбен тәмамлый.
1956-1959 елларда армиядә хезмәт итә (Үзбәкстан ССР Андижан шәһәре),
1959-1962 елларда Дүшәнбе шәһәрендә таҗик физик культура техникумы студенты),
1962-1965 елларда Дүшәнбе шәһәрендә республика югары спорт осталыгы мәктәбенең классик көрәш буенча тренер-укытучысы),
1965-1978 елларда - «Уңыш» балалар-яшүсмерләр спорт мәктәбе татар Советының классик һәм милли көрәш буенча тренеры (Казан шәһәре),
1978-2004 елларда Казан дәүләт ветеринария медицинасы академиясенең физик тәрбия һәм спорт кафедрасы мөдире,
- 2005 елдан 2009 елга кадәр-РФ Федераль Җыены Федерация Советы әгъзасы ярдәмчесе.
1960 елда М.М. Сәхәбетдиновка классик (грек-рим) көрәш буенча СССР спорт мастеры исеме бирелә. Ул чакта ул биш тапкыр Таҗикстан чемпионы, ике тапкыр Урта Азия чемпионы, авыл спортчылары арасында Россия һәм СССР чемпионы, Дүшәнбе шәһәрендә халыкара турнир җиңүчесе була.
Тренерлык эше вакытында Мягас Мөбарәкшин улы тарафыннан 55 спорт мастеры әзерләнде, шуларның 12се-грек-рим көрәше буенча СССР спорт мастеры, 7се-атказанган, 36сы-билбау көрәше буенча Татарстан Республикасының спорт мастеры. Аның укучысы Анатолий Бозин-СССР халыкара класслы спорт мастеры, грек-рим көрәше буенча Россиянең Атказанган спорт мастеры, СССР чемпионы һәм өч тапкыр Европа чемпионаты призеры, Бөтендөнья җәйге Универсиаданың көмеш призеры.
10 ел дәвамында М. М.Сәхәбетдинов грек-рим көрәше буенча Татарстан Республикасының өлкән тренеры була. 1974 елдан 1991 елга кадәр спортның милли һәм халык төрләре буенча республика федерациясен җитәкли.
Ярышларны ачу тантанасы 13 ноябрьдә 15.30 сәгатьтә узачак.