Казан көрәш буенча Россия Кубогы кабул итәчәк

2020 елның 25 декабре, җомга

25-27 декабрьдә Казан шәһәренең «Ак Барс» көрәш сараенда билбау көрәше буенча Россия Кубогының финал этабы узачак. Ярышларны ачу тантанасында 26 декабрь көнне 18: 00 сәгатьтә «Алтын битлек» театр премиясе лауреаты, хореограф Нурбек Батуллин һәм «MON» театр мәйданчыгының иҗат төркеме катнашында төрки халыкларның яңадан торгызыла торган «Кара Каплан»хәрби сәнгатен тәкъдир итү булачак.

Билбаулы көрәш буенча Россия Кубогында Россия Көрәш федерациясенең йомгаклау рейтингы нигезендә сайлап алынган иң көчле командалар катнаша. Казанда матч очрашуларында Мәскәү, Башкортстан Республикасы һәм Татарстан Республикасы җыелма командалары катнашачак. Спортчылар тугыз авырлык категориясендә көч сынашачак.