200 меңгә якын татарстанлы «Россия чаңгы юллары-2021» һәм «Татарстан чаңгы юллары-2021» Бөтенроссия массакүләм ярышлары стартына чыгачак
13 февральдә Татарстан шәһәрләре һәм районнарында «Россия чаңгы юллары-2021» һәм «Татарстан чаңгы юллары-2021»Бөтенроссия массакүләм ярышлары узачак. Анда профессиональ спортчылар да, кышкы спорт төрен яратучылар да катнаша ала.
Россия чаңгы юллары дистә еллар дәвамында иң популяр һәм массакүләм спорт төрләренең берсен яратучыларны берләштерә. Әлеге масштаблы кышкы бәйрәмнең тарихы да, «Россия чаңгы юллары» елдан-ел илебезнең спорт тормышында әһәмиятле вакыйга була бара.
Татарстан башкаласында «Россия чаңгы юллары-2021» нең төп старты Юдино бистәсендә «Локомотив» стадионында биреләчәк. Массакүләм чаңгы ярышлары тамашачылары өчен зур мәдәни программа, призлар уйнату, киез итекләр хоккей буенча турнир һәм башка бик күп күңел ачу чаралары оештырылачак.
Чараның программасы:
8: 20 ГТО 2, 3, 5 км йөгерешләренә старт
9: 15 5 км йөгереш старты
10: 15 10 км га йөгереш старты
11: 30 массакүләм чабышта катнашучыларны җыю
11: 45 10 км. бүләкләү
11: 50 ачылу тантанасы
12: 00 җитәкчеләрнең 2 км га йөгерешенә старт бирелде
12: 15 җитәкчеләрне бүләкләү тантанасы
12: 20 ветераннар узышына старт
12: 30 2 км. га массакүләм йөгерү
Казанда быел чаңгыда катнашучыларның максималь саны-18 мең кеше булыр дип көтелә.
Шул ук көнне Татарстанның барлык районнарында һәм шәһәрләрендә «Татарстан чаңгы юллары – 2021» массакүләм чаңгы ярышлары узачак. Анда 200 меңгә якын кеше катнашыр дип көтелә. Кушылырга теләүчеләр өчен яше буенча бернинди чикләүләр дә юк, бары тик табибтан йөгерергә рөхсәт турында белешмә генә кирәк.
Казанлыларга «Россия чаңгы юллары» нда катнашу өчен теркәлергә һәм старт комплекты алырга кирәк. Моны 8 февральдән 12 февральгә кадәр Ташаяк ур., 2а адресы буенча Үзәк стадионның икенче катында эшләргә мөмкин булачак. Старт комплектларын бирү буенча мандат комиссиясе 9.00 сәгатьтән 17.00 сәгатькә кадәр эшләячәк.
Казан белән бергә бу көнне чаңгыга Россиянең башка шәһәрләреннән спортчылар һәм һәвәскәрләр чыгачак. «Россия чаңгы юллары» XXXIX Бөтенроссия массакүләм чаңгы ярышы 13 февральдә «Спорт – тормыш нормасы» федераль проекты кысаларында Россия Федерациясенең 72 субъекты территориясендә узачак.