Алабугада «Россия чаңгы юллары-2021» дә 3500дән артык кеше катнашты
13 февральдә Алабугада «Россия чаңгы юллары - 2021» ачык Бөтенроссия массакүләм чаңгы ярышлары кысаларында «Татарстан чаңгы юлы-2021» ярышлары узды. Массакүләм чаңгы ярышында 3500дән артык кеше катнашты.
Барлык җиңүчеләр һәм призерлар дипломнар, медальләр, кыйммәтле бүләкләр һәм бүләк атрибутикасы белән бүләкләнде. Шулай ук чаңгы ярышларында катнашучыларның барысына да «Россия чаңгы юллары -2021» символикасы төшерелгән магнитлар тапшырылды.
Иң яшь катнашучылар да истәлекле призлар белән бүләкләнде. Алар-өч яшьлек Роман Әхмәтшин һәм дүрт яшьлек София Михайлова. Чаңгы ярышларында иң яшь катнашучы Альберт Әсхамовка 77 яшь тулды. Хатын-кызлар арасында иң яшь катнашучы 68 яшьлек Валентина Белавина булды.
«Спорт – тормыш нормасы» федераль проекты кысаларында 13 февральдә Россия Федерациясенең 72 субъекты территориясендә «Демография» милли проекты кысаларында XXXIX Бөтенроссия массакүләм чаңгы ярышлары узды.