Казанда «Спорт-тормыш нормасы»проекты буенча физкультура-сәламәтләндерү спорт комплексы ачылды
Казанның Мәскәү районында Россия Федерациясе Герое, майор С.А. Әшихмин исемендәге 130-нчы номерлы мәктәп каршында Химиклар урамында ачык типтагы физкультура-сәламәтләндерү комплексы төзелеше тәмамланды. Яңа спорт объекты «Спорт – тормыш нормасы» федераль проектын тормышка ашыру кысаларында төзелгән, ул сәламәт яшәү рәвеше алып баручы гражданнар өлешен, шулай ук физик культура һәм спорт белән даими шөгыльләнүче гражданнарның Россия Федерациясендә 55% ка кадәр арттыруны күздә тота.
Казанда мондый спорт объектлары ике-Идел буе районының 21-нче номерлы гимназиясе һәм Совет районының 90-нчы номерлы гимназиясе территориясендә.
Хәзер мәктәп укучыларының һәм якын-тирә йортларда яшәүчеләрнең бер мәйданчыкта футбол, баскетбол, җиңел атлетика белән шөгыльләнү, шулай ук көч күнегүләрен башкару мөмкинлеге булачак. Көтеп алынган вакыйга белән балаларны Казан Мэры Илсур Метшин котлады. Ул иптәшләрчә матч уйнаган командаларга туплар бүләк итте һәм яңа кырда символик пас ясады.
Без яңа уку елы башында әлеге спорт комплексы ачылуга шат, әлеге мәйданчык халык күп яши торган районда яшәүчеләр өчен спорт белән шөгыльләнү өчен кирәкле бөтен нәрсәгә дә ия, - дип билгеләде Илсур Метшин. Шәһәр башлыгы яңа спорт комплексы казанлыларны сәламәт яшәү рәвешенә тагын да күбрәк җәлеп итәр дигән өметен белдерде. «Бүген казанлыларның 50% – тан артыгы спорт белән шөгыльләнә, һәм бу мәйданчык сәламәт яшәү рәвешен сайлап алу өчен тагын бер сәбәп булачак», - диде Илсур Метшин һәм шәһәрдә ел саен спорт объектлары саны арта баруын да өстәде. «Әлеге объект белән бергә без тагын 4 универсаль мәйданчык ачабыз, соңгы 8 елда халык өчен 122 универсаль спорт мәйданчыгы төзелде», – дип хәбәр итте ул.
Физкультура-сәламәтләндерү комплексы 30х60 метрлы ясалма өслекле футбол кырын, гомуми мәйданы 1436 мең кв.метрлы йөгерү юлларын, стритбол һәм воркаут өчен җиһазлар (Мафлар, турниклар һәм брусья), баскетбол мәйданчыгын, тамашачылар өчен трибуналарны үз эченә ала. Биредә 130-нчы номерлы мәктәп укучылары гына түгел, «Смена» футбол клубында тәрбияләнүчеләр, шулай ук якын-тирә йортларда яшәүчеләр дә шөгыльләнә алачак.
Яңа футбол кырының беренче өстенлеген 130-нчы һәм 70-нче номерлы мәктәп укучылары бәяләде. Бүген егетләр иптәшләрчә матч уйнадылар. Шәһәр башлыгы командаларга туплар бүләк итте һәм яңа кырда символик пас ясады.
Шулай ук Илсур Метшин хоккей тартмасын карап чыкты, анда «Ирбис» флорбол клубы командасы 70-нче номерлы мәктәп укучылары өчен мастер-класс үткәрде. Илсур Метшин да туплы хоккейда үз көчләрен сынап карады. Шәһәр башлыгы клубта тәрбияләнүчеләр белән аралашты һәм балаларга Россия чемпионатының беренче лигасында уңышлар теләде.
Спорт мәйданчыгын караганнан соң Казан Мэры 130-нчы номерлы мәктәп ашханәсендә булды, анда быел капиталь ремонт үткәрелгән. Элек төшке ашның сыйдырышлыгы 132 урын тәшкил иткән иде, ремонттан соң бина киңәйтелгән иде – хәзер бер үк вакытта мәктәп ресторанында 180 укучы туклана ала. Шулай ук биредә кухня җиһазлары яңартылган, җиһазлар сатып алынган. Яңа уку елына Казанда барлыгы 44 мәктәп ашханәсе ремонтланган.
Илсур Метшин белән бергә ашханәне һәм физкультура-сәламәтләндерү комплексын Киров һәм Мәскәү районнары башлыгы Сергей Миронов, физик культура һәм спорт комитеты башлыгы Альберт Салихов, шәһәрнең мәгариф идарәсе башлыгы урынбасары Альберт Әхмәтов карап чыктылар.