Кукмара муниципаль районында яңа физкультура комплексы ачылды
Бүген, 23 ноябрьдә, Кукмара муниципаль районының Манзара авылында «Батыр» физкультура-сәламәтләндерү комплексы ачылды.
Объект быел «авыл территорияләрен комплекслы үстерү» федераль программасы кысаларында «Авыл территорияләренең заманча йөзе» ведомство проекты буенча төзелгән. Бинаның гомуми мәйданы 1388,1 квадрат метр тәшкил итә.
Район җитәкчелеге, үсеп килүче буынга физик культура һәм спорт белән шөгыльләнү өчен уңайлы шартлар тудыру максатыннан, балаларны сәламәтләндерү-белем бирү (профильле) үзәгенә файдалануга тапшыру турында Карар кабул итте.
Хәзерге вакытта уку йортында 1382 бала белем ала. «Батыр»да алар инде түбәндәге спорт юнәлешләре буенча шөгыльләнә ала: бадминтон, мини-футбол, футбол, волейбол, милли көрәш, гер спорты, армреслинг, шахмат, җиңел атлетика. Шулай ук зур теннисны үстерү планлаштырыла.
«Батыр» физкультура – спорт комплексы төзелешенең максатларыннан берсе - «Демография» милли проектының «Спорт-тормыш нормасы» федераль проектын тормышка ашыруның төп бурычлары белән физик культура һәм спорт белән шөгыльләнү өчен барлык категория һәм төркемнәр өчен шартлар тудыру.
Илкүләм проектның төп максаты-физик культура һәм спорт белән даими шөгыльләнүче гражданнарның өлешен арттыру, югары казанышлар спортын үстерү, сәламәт яшәү рәвешен популярлаштыру.
«Спорт – тормыш нормасы» федераль проектының төп максатчан күрсәткече – 2024 елга Татарстан Республикасында физик культура һәм спорт белән даими шөгыльләнүче гражданнар өлеше 58,2% ка кадәр (федераль проект-55%) дәрәҗәсенә ирешү.
Физик культура һәм спорт югары дәрәҗәдә үсеш алган төбәк буларак, Татарстан өчен хәтта төп максатчан күрсәткечләр дә югарырак Билгеләнгән: 2024 елга физкультура һәм спорт белән шөгыльләнүче 2000 000 кеше.