Чистайда «ГТО» нормативларын тапшыру өчен мәйданчык ачылды
Чистай муниципаль районында «Демография» милли проектының «Спорт – тормыш нормасы» федераль проекты кысаларында төзелгән ГТО нормаларын тапшыру өчен спорт мәйданчыгы ачылды. Мәйданчык Чернышевский урамында урнашкан. 2021 елда Татарстанда илкүләм проект кысаларында барлыгы 4 мәйданчык төзелде.
«ГТО» комплексы нормативларын тапшыру өчен спорт мәйданы 352 квадрат метр зурлыкта, ул травмобез куркынычсыз резин катламнан (16 м х 22 м) торган, анда 26 төрле тренажерлар: турниклар, велотренажерлар, брусья һәм башка спорт корылмаларыннан тора.
Яңа объект «Спорт-тормыш нормасы» федераль проектын «Демография» милли проектын тормышка ашыру кысаларында төзелә. Проект физик культура һәм спорт белән даими шөгыльләнүче россиялеләрнең өлешен 55% ка кадәр арттыруга юнәлдерелгән. Максатчан күрсәткечкә ирешү өчен, массакүләм спортны үстерүнең төп драйверы дип танылган ГТО комплексын актив үстерергә кирәк.
«Спорт – тормыш нормасы» федераль проектының төп максатчан күрсәткече – 2024 елга Татарстан Республикасында физик культура һәм спорт белән даими шөгыльләнүче гражданнар өлеше күрсәткече-57% ка кадәр (федераль проект-55 %).
Физик культура һәм спорт югары дәрәҗәдә үсеш алган төбәк буларак, Татарстан өчен, хәтта төп максатчан күрсәткечләр дә югарырак куелган. 2020 ел башына без 49,5% (1 700 000 кеше) күрсәткеченә чыктык һәм графиктан бер елга алда барабыз. Максат-2024 елга физкультура һәм спорт белән шөгыльләнүче 2000 000 кеше. Бу сан, шул исәптән, ТР Президенты Рөстәм Миңнеханов та яңгыратты.