Хатта Казанда узган Уеннарны оештыру комитеты исеменә Универсиада вакытындагы кунакчыллык өчен рәхмәт сүзләре китерелә. "Уңышлы оештыруны EUSA вәкилләре генә түгел, Уеннарда катнашучылар да, кунаклар да билгеләп үтте", - диелә Cтудентлар спорты Европа ассоциациясе Президенты Адам Рожек һәм әлеге оешманың генераль секретаре Матиас Пековник тарафыннан имзаланган хатта.
Шуны билгеләп үтәргә кирәк, бу көннәрдә республика җитәкчелеге һәм 2013 елгы Универсиада Оештыру комитеты адресына дөньяның төрле почмакларыннан рәхмәт хатлары килүен дәвам итә.