Бөгелмә муниципаль районында студентлар һәм укучылар «Сикерү көне» ндә катнаштылар
17-23 март көннәрендә Бөгелмә муниципаль районында Бөгелмә төзелеш-техник колледжы һәм Бөгелмә медицина училищесы студентлары, шулай ук 6 нчы урта мәктәп, Һади Атласи исемендәге 14 нче татар гимназиясе, кадет интернат мәктәбе укучылары белем бирү учреждениеләре арасында муниципаль «Сикерү көне» ндә катнаштылар.
Чарада 9 яшьтән алып 18 яшькә кадәрге 160тан артык кеше катнашты.
Чара балаларда һәм яшүсмерләрдә физик һәм ихтыяр сыйфатларын үстерү максатыннан узды. Чарада катнашучылар гравитациянең кеше тормышында мөһим роль уйнавын белделәр һәм төрле сикерүләр белән таныштылар һәм аларның күбесе ике аяк белән этәрү белән озынлыкка сикерү сынавын уңышлы үтәделәр.
Бүгенге көндә ГТО комплексы үз эченә сайлау буенча сынауларның берсен ала: ике аяк белән бер урыннан озынлыкка сикерү, альтернатива булып озынлыкка сикерү тора. Әлеге сынау 6 яшьтән 39 яшькә кадәрге ГТО комплексында катнашучылар өчен каралган.
Апрель аенда мәгариф учреждениеләрендә, ГТО Бөтенроссия физкультура-спорт комплексын пропагандалау һәм алга җибәрү буенча муниципаль чаралар планы нигезендә, муниципаль «ОФП көне» планлаштырылган.