Славица туңдырмасы хезмәткәрләре ГТО хәрәкәтенә кушылды
1 апрельдә «Славица» туңдырма фабрикасы хезмәткәрләре «Хезмәткә һәм оборонага әзер» Бөтенроссия физкультура-спорт хәрәкәтенә кушылдылар. Чара Татарстан Республикасы һәм бөтен Россия гражданнарын физик культура һәм спорт белән системалы шөгыльләнүгә җәлеп итү өлешендә «Демография» милли проектының «Спорт – тормыш нормасы» федераль проектын гамәлгә ашыру кысаларында узды.
Яр Чаллы олимпия резервы спорт мәктәбе базасында 23 хезмәткәр яңа нормативлар буенча ГТО системасының программа нигезләрен тапшырды. Һәр катнашучы төрле яшь категорияләре өчен билгеләнгән сынауларны үтәгән: тарту, урыннан озынлыкка сикерү, гимнастика эскәмиясендә туры аяклары белән басып торудан алга авышу, кыска һәм озын дистанцияләргә йөгерү һәм башкалар.
«Славица» туңдырма фабрикасы хезмәткәрләре барлык сынауларны уңышлы узды. Нәтиҗәдә, чарада катнашучыларның барысы да диярлек ГТО билгесен алу өчен җитәрлек нәтиҗәләр күрсәттеләр.
Спорт чарасы күрсәткәнчә, хезмәткәрләр чыннан да хезмәткә дә, оборонага да, ГТО нормаларын тапшыруга да әзер.