Казанда Нәкыйп Мадьяров истәлегенә самбо буенча XXXIII Бөтенроссия ярышлары узачак
2023 елның 8-9 апрелендә Казанда, «Батыр» спорт комплексында самбо буенча халыкара класслы спорт мастеры Нәкыйп Мадьяров истәлегенә багышланган XXXIII Бөтенроссия ярышлары узачак.
Турнир Za Самбо федераль проекты кысаларында үткәрелә һәм яшьләрне спорт һәм сәламәт яшәү рәвеше аша Н. Мадьяровның МСМК уңай мисалында тәрбияләүгә, үзара ярдәм, теләктәшлек һәм намуслы көрәш принципларында, шулай ук Россия Федерациясе төбәкләре арасында спорт хезмәттәшлеген ныгытуга юнәлдерелгән.
Ярышлар 30 төбәктән 250ләп катнашучыны берләштерәчәк. Турнир өч дисциплинада узачак:
спорт самбосы ир-атлар: 53 кг, 58 кг, 64 кг, 71 кг, 79 кг, 88 кг, 98 кг, 98 кг артык.
спорт самбосы хатын-кызлар: 54 кг кадәр, 59 кг, 65 кг, 72 кг, 80 кг артык
сугыш самбосы ир-атлар: 58 кг, 64 кг, 71 кг, 79 кг, 88 кг, 98 кг
Спортчылар тамашачыларга самбоның матурлыгын, үзләренең җитезлеген, үсеш алган координациясен, тактик фикерләвен һәм көрәшче рухын күрсәтәчәк, шулай ук Россиянең спорт разрядлары һәм спорт мастеры исемен алу өчен нормативларны үти алачак.
Ярышларны оештыручылар: Россия Федерациясе Спорт министрлыгы, Бөтенроссия самбо федерациясе, Татарстан Республикасы спорт министрлыгы, Татарстан Республикасы Самбо федерациясе, Ак Барс Арт иҗат берләшмәсе».
Ярышлар программасы сылтама буенча бар.