Лениногорскида «Зарница-2023»хәрби-спорт уены узды
17 апрельдә Лениногорскида 1 нче спорт мәктәбе базасында «Зарница-2023»хәрби-спорт уены узды. Чара «Демография» милли проектының «Спорт – тормыш нормасы»федераль проектын гамәлгә ашыру кысаларында узды. Катнашучылар 11 командадан 165 кеше булды. Алар сынауларда 5 төрле блокта көч сынаштылар:
«Россия тарихының сугыш битләре» интеллектуаль конкурсы, Калашников АК-74 автоматын җыю һәм сүтү, сафка әзерлек, пневматик винтовкадан ату, көч әзерлеге һәм тормыш иминлеге нигезләре. Көч күнегүләре «ГТО»комплексы нормативлары исәбенә керде.
Ярышлар нәтиҗәләре буенча призерлар өчлеге түбәндәгечә бүленгән::
1 урын - Спартак командасы (12 нче Лицей);
2 урын - Спецназ командасы (6 нчы урта гомуми белем бирү мәктәбе);
3 урын - Патриоты командасы (5 нче урта гомуми белем бирү мәктәбе).