Алабуга халкы өчен паркта ГТО мобиль мәйданчыгы ачылды
Бөек Җиңү бәйрәме хөрмәтенә, 9 майда, Алабуга муниципаль районында ГТО тестлау үзәгеннән акция узды. Исегезгә төшерәбез, ГТО комплексының барлык чаралары «Демография» милли проектының «Спорт – тормыш нормасы» федераль проектын тормышка ашыру кысаларында уза. Проект мөмкин кадәр күбрәк гражданнарны физик культура һәм спорт белән шөгыльләнүгә җәлеп итүгә юнәлдерелгән. ГТО комплексы-һәр кешенең физик әзерлек дәрәҗәсенең искиткеч күрсәткече. Яшькә карамастан.
Алабуга шәһәренең Җиңү паркында ГТО комплексының мобиль мәйданчыгын ачтылар, анда теләгән һәркем сыгылмалылык, көч нормативларын үтәргә, шулай ук үзенең тизлек-көч мөмкинлекләрен тикшерергә тырыша алды.
Мобиль мәйданчык күп кенә шәһәр халкында кызыксыну уятты. Паркта ял иткән гаиләләр барлык сынауларны да үтәргә тырышып кына калмаганнар, ә башка сынауларда нормативларны үтәү һәм ГТО билгесе алу өчен иң якын тест үзәгенә язылганнар.
Акция Алабуга муниципаль районының 1нче спорт мәктәбе ярдәме белән үткәрелде.