Татарстанлылар стендка ату буенча Россия Кубогы этабында беренче медальләр яуладылар

2023 елның 25 мае, пәнҗешәмбе

Тәтештә ату мәйданчыгында стендка ату буенча Россия Кубогының 2 этабы башланды. Ярышларның беренче медаль көнендә спортчылар траншея стендында 4 комплект бүләк уйнаттылар.

Турнирның ир – атлар өлешендә квалификация лидеры Геннадий Мамкин көмеш медаль яулады (116+23+27), бронза Александр Филиппов (110+22+20).

Хатын кызлар ярышында Милена Видманова пьедесталның югары баскычына күтәрелде, 104+19+29. Эвелина Андреева финишка икенче килде, 105+22+28, ә Алина Әхәтова өченче, 108+19+16.

Егетләр арасында «спорт резервы» классында Иван Васин, кызлар арасында Диләрә Урманова җиңде.

Ярышлар 27 майга кадәр дәвам итәчәк. Турнирда илнең төрле төбәкләреннән 122 спортчы катнашачак.