Бөгелмә районында «ГТО мәйданчыгы» сәламәтлек фестивале узды
25 майда Бөгелмә районының «Энергетик» стадионы базасында дүртенче тапкыр «ГТО мәйданчыгы» сәламәтлек фестивале узды. Чара «Демография» милли проектының «Спорт – тормыш нормасы» федераль проектын гамәлгә ашыру кысаларында узды.
Фестивальнең оештыручылары булып яшьләр сәясәте белгечләре, «ГТО» Бөтенроссия физкультура спорт комплексының тест үзәге һәм спорт мәктәпләре вәкилләре белән берлектә профилактик волонтерлар чыгыш ясады.
Чарада катнашучыларга сәламләү сүзе белән ике тапкыр ГТО алтын билгесе иясе Константин Круглов мөрәҗәгать итте. Ул студентларга тестны уңышлы үтүләрен һәм җиңүгә теләкләрен җиткерде. Баш судья Гүзәл Суняева фестиваль программасын яңгыратты, һәм судьялар бригадасы тест үткәрә башлады.
40тан артык катнашучыга-урта һәм югары һөнәри белем уку йортларында укучыларга «хезмәткә һәм оборонага әзер» комплексы сынауларын үтәргә тәкъдим ителде: электрон коралдан утырып ату, гимнастика эскәмиясендә басып торудан алга таба авышу, аркада ятып торудан гәүдәне күтәрү, урыннан озынлыкка сикерү, кыска һәм озын дистанцияләргә йөгерү.
Нормативларны тапшыру нәтиҗәләре буенча фестивальдә катнашучылар аерымлык билгеләре алачак: алтын, көмеш яки бронза.