OLIMPBET Россия Суперкубогы Казанда 15 июльдә узачак
OLIMPBET өчен 2023 елгы Россия Суперкубогы матчы Казанда «Ак Барс Арена»стадионында узачак. Мондый карарны Россия футбол берлеге Башкарма комитетында кабул иттеләр. Ил чемпионаты җиңүчесе Петербургның «Зенит» командасы һәм кубок иясе уйнаячак очрашу 15 июльдә узачак.
Ак Барс Арена 2018 елгы Футбол буенча дөнья чемпионаты стадионы. Ул 2013 елда ачылган, XXVII Бөтендөнья җәйге Универсиаданың ачылу һәм ябылу тантаналары мәйданчыгына әверелгән. Мундиалның алты матчыннан тыш, арена 2017 елгы Конфедерацияләр Кубогының биш очрашуын кабул итә. 2015/16 сезонында биредә Россия Кубогы финалы узды. 2023 елда Ак Барс Арена УЕФА Суперкубогын кабул итәргә тиеш иде.
Александр Дюков, Россия футбол берлеге президенты:
- Быел без OLIMPBET Россия суперкубогын уздыру урынын сайлауга яңа караш кулландык. Төбәкләргә матч үткәрү өчен гариза бирү тәкъдиме җибәрелгән. Без Суперкубокны кабул итәргә теләгән шәһәрләрдән берничә гариза алдык, шулай ук төбәкләр финанс гарантияләре бирде. РФС алынган гаризаларны анализлый, матчның потенциаль финанс нәтиҗәсен исәпләп чыгара. Бүген РФС Башкарма комитеты OLIMPBET 2023 Суперкубогын Казанда уздырырга карар кылды. Татарстан башкаласы иң югары дәрәҗәдәге спорт ярышларын уздыру тәҗрибәсенә ия, һәм без шәһәрнең җанатарлар өчен искиткеч футбол бәйрәме оештырачагына ышанабыз. Безнең исәпләүләр буенча, «Ак Барс Арена» да уйнау шулай ук матчның иң яхшы финанс нәтиҗәсен бирәчәк. Исегезгә төшерәбез, керемнең күп өлешен нәкъ менә катнашучы клублар алачак, узган ел бу сумма 150 млн сумнан артып киткән. Шулай ук без регионның матч үткәрүдә максималь кызыксынуын һәм Татарстан УЕФА Суперкубогына әзерләгән эшләнмәләрне кулланырга әзер булуын исәпкә алдык.