«Киләчәк уеннары» -2024 волонтерлык программасы Казанда Яшьләр көнен бәйрәм иткәндә тәкъдим ителде
2023 елның 24 июнендә Бөтенроссия Яшьләр көнен бәйрәм итү кысаларында «Урам» экстрим-паркында «Казанда 2024 елгы киләчәк Уеннары» халыкара мультиспорт турнирының волонтерлык программасы презентациясе узды.
Чара кунаклары өчен «Киләчәк уеннары»-2024 тематик мәйданчыгы оештырылды, анда теләгән һәркем Just Danceда бии, паннада, өстәл уеннары һәм спорт симуляторларында бер-берсе белән көрәшә һәм шулай итеп үзенең physical һәм digital-күнекмәләрен тикшерә алды.
Волонтерлык программасы презентациясен «Спорт һәм социаль проектлар дирекциясе» КАО волонтерлар белән эшләү идарәсе җитәкчесе Айрат Мөбарәкшин үткәрде. Ул барлык теләүчеләрне фиджитал хәрәкәте белән таныштырды, аның уңай якларын һәм үзенчәлекләрен сөйләде, шулай ук «Киләчәк уеннары»-2024 һәм аның волонтерлар өчен программасының өстенлекләре турында җентекле мәгълүмат бирде.
«Ярышларга бару гына түгел, ә "Киләчәк уеннары " -2024 кебек грандиоз проектның бер өлеше булу - яңа технологияләр һәм спорт белән мавыгучы Бөтен дөньядан килгән егетләрнең хыялы. Волонтерларны сайлап алу бик җитди булачак, әмма мондый мөмкинлекне кулдан .кындырырга кирәкми», - дип тәэсирләре белән уртаклашты бәйрәмдә катнашучыларның берсе, Казан студенты Илдар Абдуллин.
Элегрәк «Киләчәк уеннары»-2024 волонтерлык программасын гамәлгә ашыру кысаларында Россия Федерациясенең 8 федераль округыннан 29 төбәк үзәге белән хезмәттәшлек турында килешүләр имзаланды. «Киләчәк уеннары» н оештыру һәм үткәрү өчен барлыгы 1500 волонтерны җәлеп итү планлаштырыла, алар өч төп категориядә тәкъдим ителәчәк: ярыш мәйданчыклары волонтерлары, сервис юнәлешләре волонтерлары һәм атташелар.
«Киләчәк уеннары»-2024 елның 23 февраленнән 2 мартына кадәр Казанда узачак. Бу яңа форматтагы халыкара турнир, ул 16 гибрид дисциплина буенча ярышларны үз эченә ала. Һәр дисциплина фиджитал (physical+digital) концепциясен берләштерә, классик спортны һәм киберспортны яки VR-/AR-технологияне берләштерә һәм атлетларның физик әзерлеген дә, аларның цифрлы осталыгын да тикшерә.