Идел буе спорт университеты студенты билбау көрәше буенча дөнья чемпионатында уңышлы чыгыш ясады
Ирекле һәм классик стильләрдә билбау көрәше буенча дөнья чемпионаты Астанада тәмамланды анда якын һәм ерак чит илләрнең 30дан артык иленнән иң көчле спортчылар катнашты. Россия командасын 42 спортчы тәкъдим итә, алар арасында студент – магистрант Алексей Абрамов та бар. 62 кг авырлыкта классик стильдә уңышлы чыгыш ясап, Алексей «бронза» ала һәм пьедесталның өченче баскычына күтәрелә, Казахстан һәм Үзбәкстан көрәшчеләренә узып китә.
«Мин ирешкән нәтиҗәне яхшы дип атый алам, әмма тагын да яхшырак чыгыш ясау өчен алга таба тырышып эшләячәкбез», – дип комментарий бирде Алексей нәтиҗәләргә.
Моннан тыш, спортчы ярышларның көчле эссегә карамастан, югары дәрәҗәдә узганын билгеләп үтте. Аның көндәшләре Казахстан, Үзбәкстан, Кыргызстан һәм Таҗикстан көрәшчеләре була. Ярышлар нәтиҗәләре буенча дөнья беренчелеге лидеры Россия җыелма командасы булды. Гомумкоманда зачетында икенче урынны Казахстан командасы, өченче урынны Төркмәнстан җыелма командасы алды.