«Динамо-Ак Барс» командасы хоккейчылары «Дуслык Кубогы» турнирында катнашачак
24 июльдә чирәмдә хоккей буенча команда Беларусь Республикасына китә. Анда 25-29 июльдә «Дуслык кубогы» халыкара турниры узачак.
Россия җыелма командасы составында турнирда Казан клубының 10 хоккейчысы уйнаячак: капкачылар Иван Ожерельев һәм Андрей Серебряков; яклаучылар Семен Матковский һәм Георгий арусия; ярымсакчылар Николай Янкун, Денис Стариенко һәм Иван Луцеви; һөҗүмчеләр Павел Голубев, Ильфат Җамалетдинов һәм Алексей Соболевский.
Казан хоккейчыларыннан тыш, җыелма команда составына «Динамо-Электросталь», «Восток» һәм «Тана» командалары вәкилләре дә керде. Юниорлар җыелма командасы составында турнирга казанлы Олег Семенов китте.
Җыелма команданы «Динамо-Ак Барс» ның баш тренеры Араик Маргарян җитәкли. Аның белән бергә Минскига тренерлар Артур Маргарян һәм Тимур Тимашков китә.